Hmaikum Ah Remdaihnak Caih Ding Ukraine Ruahchan
Hmaikum Ah Remdaihnak Caih Ding Ukraine Ruahchan, Russia nih a luhhnawhmi Ukraine cu hmaikum Nohawng thla dih lai hrawngah remdaihnak caihhmainak tuah dingin cozah lei nih timhlamhnak ngeih a si tiah Ukraine Foreign Affairs Minister nih nikhatni ah a chim. Hi caihhmainak hi a si khawh ah cun UN chungtuanzik Antonio Guterres nih karlak tawlrel ding zong a chim.
Russia lei nih cun vulei cung rallei biakhiahnak zung ah dihdonghter hnu ah remdaihnak caihhmai ding sawmnak a tuah lai tiah Ukraine Foreign Affairs Minister Dmytro Kuleba nih AP media nih biahalnak ah a chim.
Ukraine President Volodymyr Zelenskyy cu a luancia zarh ah American ah a kal i a lungum bia tling khikhet in a chim. American Patiot hman khawhnak dingah caankel in kumkhat cawnnak pekmi cu American nih timhlamh piak in Ukraine ah a rannak in hman a si nak hnga thla 6 dorh piak in cawnnak pek ding a si.
Ukraine Foreign Affairs Ministry in tuahmi biaruahnak ah Kuleba nih zei si paoh ah hmaikum 2023 ah Ukraine nih ral teinak dingin kan tuk lai, ramdang he i pehtlaihnak muisam zong a biapi mi a si tiah a chim.
