Ukraine President Le American President Tonnak Ngei
Ukraine President Le American President Tonnak Ngei, Ukraine President Volodymyr Zelenskyy a hmasabik khualeng a chuahnak ah American ram cu nithumni ah khan a phan i, American President Joe Biden nih White House in a rak conglawmh.
” A mah pumpak hrim in le Ukraine zapi aiawh hrim in American President cungah lunglawmhnak bia a chim, cu hlei ah Ukraine a bawmmi American Parliament le American zapi cungah lunglawmhnak Ukraine President Zelenskyy nih President Biden he White House i tonnak ah a chim.
President Biden zong nih Ukraine zapi hna cu vulei pi nih upatnak a pek hna, cu hlei ah nangmah zong American ram ah tukum caah thilthar hmuhsaktu ah thim le theihter na si. American nih tuahmi Time Mekazin ah President Zelenskyy cu tukum caah a thahlei khunmi ah thimmi le fehtermk a si tiah a langhter.
Kan hawikom a simi Europe, Japan le ramdang hna telh in American Parliament ah Ukraine herh mi caah chawva, minung hawi zawnruahnak,humhimnak bawmhchanhnak pe kho dingin President Biden nih a chim.
American nih Ukraine caah Dollar 19.3 Billion rallei bawmhnak a pek cang bantukin nithumni zong ah vanlei runvennak Patriot Missile telh in Dollar 2 Billion a pek chap.
