Rebecca Fanai, The Compassion Project Tlamtling Te’n Lim
Rebecca Fanai, The Compassion Project Tlamtling Te’n Lim, Mizoram ramkulh chung ah Kawl le Lai ralzaam zapi bawmhchanhnak caah Lai hlasakth’am Rebecca Fanai( The Compassion Project) cu tlamtling te’n lim a si.
American ah a ummi Rebecca Fanai cu amah pumpak The Compassion Project cu Sikpar 6 thawk in Mizoram chung ralzaam riahbuk hna ah kal in bawmhchanhnak a tuah i Sikpar 23 ah tlamtling te’n lim a si.
Rebecca Fanai le a phu cu Mioram pengkomh 6, Aizawl, Mamit, Kolasib, Lunglei, Lawngtlai, Champhai ralzaam riahbuk 20 lengah kal in Kawl le Lai ralzaam hna bawmhchanhnak an pek hna.
The Compassion Project ah a tlangpi in hmuitinh pathum cu, ralzaamh zapi sii-ai bawmhchanh le ngandamnak lei cawnnak pek, ngakchia le nu hna caah a herhmi thilri bawmhchanh, lakhruak thil dangdang hna bawmhchanh hna hi an si.
The Compassion Project ah Rebecca Fanai he hmunkhat ah Chin Health Organization (CHO), Myanmar Refugees Relief Committee-Mizoram (MRRCM), NGO United for Democratic Myanmar(NUDFM), Kalay Crisis Support Team(KCST), Youth For Myanmar(YFM), Matupians, Sevenday Adventist sii-inn le a dang ti le ram in zaanghleicawi hna nih thazaang chuah in an telpi.
Rebecca Fanai cu a khuasaknak ram American ah a rauh hlan ah a kir cang ding a si caah The Compassion Project ah aa telmi hna dihlak cungah lawmhbia a chim.
Rebecca Fanai hi kum 2021 Nohawng 1 ralhraang nih nawlngeihnak lak an timh thawk in ram pumhuap ralhraang duhlonak ah aa telmi le khuapau dohthlennak ah biatak te’n thazaang chuahmi a si.#ခိုနူမ်းသုန်
