Saram That Lo Dingin Nawlchuah
Mizoram cu khuasik nikhua a phan ziahmah cang, tulio hi meithal license ngei le ngeilo hna nih zuva le saram cu Air Gun/Air Rifles, meithal microscope in an kah theo tiah theih a si.
Ramsa thah hi Section 9 of The Wildlife (Protection) Act, 1972 nih a khap fawn. A thattu hna cu kum 3 in kum 7 tiang thongthlak le Rs. 25,000 liam khawh a si.
District Magistrate & Deputy Commissioner, Aizawl District Dr. Lalhriatzuali Ralte, IAA nih CrPC 1973 Section 144 nih nawlngeihnak a pek bantukin, Aizawl District huap chungah zuva le ramsa hna, Air Gun/Air Rifles siloah, meithal microscope bunh (with telescope) hmangin an kah ding a si lo tiah zapi theihter a si.
Hi nawlpek hnuah bianolh a um lo ahcun thlahnih (2 months) chung a nguh lai, nawlpek zullomi cu IPC Section 188 in hremnak pek an si lai.
Editorial, The Lairam Times Vol I, ISSUE 30, Kan Lairam Khualipi Lawngtlai khuachung zapi caah hi thil hi a biapi ngaimi pakhat a si ve tiah ka ruah. Minung tintuk khuasaknak ca ah hin chawva hi a rak biapi ngaimi thil a si ve. Lawngtlai khuachung sazuarnak ah Cawsa Kg khat ah Rs. 500, a ruh aa tel pahmi Kg khat ah Rs. 400, a ril phirkhat ah Rs. 150, cawlu Rs. 1000 in cunglei, a ke hnuhmai Rs. 200 veve, a tawmei hram Rs. 300, cawphaw Rs. 600 in cunglei hna an si. Tulio ah sazuarnak dawr pakhat nih caw hi nikhat ah pakhat a that an um bantukin, zarhkhat ah caw 3 or 4 lawng a thatmi zong an um ve.
Pasal pakhat nih rethei ngai in thazaang in rian a țuanmi i a hmuhmi cu buaktlak in Rs. 500 a si. Cawsa cuaikhat lawng a cawk khawh, antam le khamhmuai, kawlhang, nannan tbk.. cawsa tamhmoih a caw kho chih lo, nikhat chung zaangba ngai in țuanmi nih cawsa Kg khat lawng a cawk khawhmi cu ruah deuh ngai a hau mi thil a si. Minung kan nunnak ahhin a thur, a thlum, a al, a kha, a thaw, a nam ei a herh caah, zapi zaran caah cawsa cawk hi a fawi lo ngai ko.
Thazaang in rianțuanmi hna an hlawh kaiter ah maw a that hnga, cawsa man tumter dah a that hnga. Cawlu a duh mi hna ca ahcun cawlu pakhat cawknak dingah ni hnihthum tal zaangba in rianțuan a hau hnga. Cawlu ngan deuh hna cu Rs. 1500, 2000 hna an si caah, thazaang in rianțuan ca ahcun mit lawng thi i awr lawng a vai ko.
