Chawlethrawl Hna Caah Mizoram Consumers’ Union (MCU) Nawlnak
Chawlethrawl hna caah a tanglei i langhtermi bantukin Christmas le kumthar kar, zapi dawrhngak le chawlethrawl an tam caan ah Mizoram Consumers’ Union (MCU) hna nih chawlethrawl sinah nawlnak an tuah.
2022 Tho 29 ah MCU Executive meeting nih cun tukum Christmas kan phan zuahmah cang, cucaah zapi nih lawm le daidam te’n an hman khawhnakhnga duhsakpiaknak bia an chim.
India ram ah sunhhlei ((Festival) a phanh lai hin, dawrhngak le chawlethrawl nih an si khawhtawkin zapi caah thilmanfawi (discount) an tuah tawn, E-Commerce (Online Shop app etc) zong an uar ngaingai, zapi caah lawmh awk ngaingai a si.
Cucaah hi sunhhlei a phanh lai ahhin Mizoram chungah dawrhngak le chawlethrawl dihlak nih, an thil zuar mi cu zapi caah thilmanfawi Discount tha te’n tuah dingin nawlnak an tuah.
November (Sikpar) Salai C Twintwin November (Sikpar) Chuankhan ngei lo in kawhauh mi thla a si ve. Romulus Calendar c. 750 BC ah thla rel pakuanak ah a rak chiah a si. Latin holh “Novem” in lak mi biafang a si i “pakua” sullam a keng. Cucaah thla rel pakuanak rak chiah a sinak zong a si.
Lai nithla rel ning in “Sikpar” tiah chuankhan ngei tein kawhauh a si. Zeicahtiah a Sikpar ah cun van a thiang, khua cuanh ah khuaza a lang, van a fim, lung a leng, laimi (miphun chim duhnak si loin “minung” ti duhnak) cu van chim lo ramsa thlaidor sakhi tiang hmanh nih an lunglen an celh lo ti duhnak. Khuasik a tla cang, dap a tla cang i mi a kirh cang. Chum nih Nika um awk hngal lo in a tuah caan, ni mui hmuh lo a tam. Rian le khai lei in chim ahcun, lo facang tuan ai lim, ruuk le haan chiah mi rawl phorh le cheek caan a si. A cheu thak-bere (hmathak) cing pawl ca ah pawl bongh liopi a si. Sikpar a nuamh khunnak cu, Pheikalh tunh a nuamh caan a si. Zuu-sa a ei lo mi pa pawl zong Pheikalh tunh nuamh cu thei tuk hna kaw, ngakchia in upa pipi tiang pheikalh tunh caan a si. A cheu sianginn kai lio ngakchia pheikalh tunh ca ah zing arkhuang in mau-cher tom vaan bu he pheikalh luah siloah ven ah kal a si. Khuasik lak ah zingkhuan in dapti lak le bua lak ah pheikalh luah cu a fawi lo, sinain a nuam kho tuk. Pheikalh tunh kho lo nunau rual cu tiva kal dahlo rian ngaingai an ngeih lo caan a si. Christmas thla phak lai si kaw, Christmas caan i ngaihnak nih November thla dongh a fawiter, cucaah “Lo Vurmar” thla tiah an ti phah.
