CYLA Kumpuan Nih NH-54 Sertu Meeting Ngeihpi

Nihin 18 Tho 2022 zaanlei suimilaam 2:00pm ah CYLA Kumpuan nih NH- 54 ser cuahmah lio mi ABCI, PMPL, ICT, NHICL hruaitu hna cu Kumpuan Chairman le CYLA Vice President simi Pu F. Lalrothanga thithruainak in CYLA office ah meeting ngeihpi an si.

CYLA Kumpuan nih cun a tanglei i langhter mi hna hi biapi ah chia in le hlawhtlin ter dingin, ABCI, PMPL, ICT, NHICL hruaitu hna cu nawl in an theihter hna.

1. Kan ram chungah National Highway ser liomi ahhin Road widening, Retaining wall le Culvert ser lio mi hi tha taktak in ser siseh, Cun material supply ( Iron-rod, stone, cement ect) zong a that khawhchung in siseh.
2. 71 le Kawlchaw kar Retaining wall dihlak hi RCC in fek taktak in ser siseh tiah minthut mi cu tlamtlinh hrimhrim ding siseh.
3. Thingkah le Thingfal kar lampi chiat tuk ruangah zapi nih harsatnak an ton lengmang, medical emergency lei zongah harsatnak ton a si. Cucaah Thingkah le Thingfal kar lampi cu thaizing 19 Tho 2022 thawk in serthan ding siseh.
4. Contractor pawl an riantuan mi cu zohkhenh tha dingin nawl le theihter an si.
5. Kan Lairam chungah National Highway, road widening, Retaining wall le culvery remh lio mi hi kan duh ning le nawlnak bantukin remh a si lo ahcun kan dohdal lai, a herh ahcun Higher Authority ah phanhter a si lai nak theihter an si.

CYLA Kumpuan member hna le National Highway sertu Company hruaitu hna nih herhhai le biapi chimnak an ngei fawn, nihin meeting ah Lairam chungah National Highway sernak ahhin theiparțha a chuah lai ruahchan a si.