Nauinn Con/Bo Lo Ding Kilven Ning
Tutan cu nu tanpi nih an ton tuar theo mi le tihnung ngaimi nauinn zei ti’n a con khawh, a bo khawh timi kan zoh hna lai.
Nu zatuak 20% in zatuak 50% tluk nih Homone Estrogen le Progesterone pawl ruangah nauinn thatnak a bawmh khawh ruangah nauinn hi a boter khawh tinak a si. Mitampi cu an nauinn a bo mi kha a mah te’n a tlau ti bantukin an um, asinain cheukhat cu theihfian tuk loin a um i, a thang thluahmah, hi thil hi zei ti’n dah a can ning a si timi kan zoh hna lai.
Nuphung ngeih tikah ni tampi ih piak
Nuphung theih tikah a hlannak in tam
Nuphung theih caan dik lo
Nuphung theih tikah a fah dan voidang kelnak in fah deuh
Tawcawr/pang hna fah
Hnulei kengzaang pawl fah
Pumpi fah in fah.
Hi nauinn bo hi a hmete in a nganpi tiang a um kho, a umdan a khat lo, hi nauinn bo hi zeitik ahdah theih a si ti ahcun ti a tam hnuah a bo mi a ngan tikah theih a si tawn, el, ke hna a fak, ke fah tiangin tuar a si.
Hi a bomi hi nauinn chunglei hrambik i a um ahcun thlatin ngeihmi (Heavy Menstrual Bleeding) a tamter lai. Nauinn i a lenglei ah a um a si ahcun thlati’n ngeihmi nuphung theih kha a dik lai lo i, voidang nak in a tlawm fawn lai. Hi a bomi pawl a ngan cang ahcun zuninn lei a nenh deuh ahcun tuletu zun a chuak, rilpi lei a nenh deuh a si ahcun chung a thlek ter.
Nauinn tuamtu vun, ti zawimi ruangah thlafa ngeihmi thi tamter nih, thi a reu ter khawh ruangah thitha a tlawm, taksa a rau lai. Um sawhsawh zongah tha a dih lai, hi bantukin a ummi hna hi a thianghlimmi sa, nga, an hringno tisik-anhnah pawl ei a hau i, golugose ei piak ding a si.
A bo mi a ngan a si ahcun hlai ( operation) in lak a hau, a hme mi a si ahcun, sii-inn hman thilri pawl in lakchuah a hau, hi bantukin lak hlonh hau pawl hi, fa an nei kho ti lo i, vanchia mi hna cu an nauinn lawlaw in lakpiak hau mi an um. Amah balte cu thinphan tuk awk cu a si lo, Canver Cell a si lo.
Zei ti’n dah kan ven lai?
- Kuttawngh thiltuah (Practice ) tuah lengmang, teima, taksa caah practice tuah hi zawtnak zatuak 30% in zatuak 40% tiang a kham khawh. Practice tuahnak nih hi zawtnak lawng siloin zawtnak dangdang ngah lo dingin a kham khawh fawn.
- Tisik-anhnah tam deuh in ei piak, cun ngasa tam deuh in ei piak ding, hi hna lakah aa telmi Vitamin D nih nauinn bo pawl um lo dingin zatuak 30% a kham khawh.
- Taksa rihzan thumh ding, (Mithau deuh caah) mithau deuh hi nauinn zawtnak ngah an fawi deuh caah an taksa rihzan thumh khawh ah a tha bik.
- Homone Estrogen hi a si, hi Homone nihhin nu taksa a that ter, cucaah cheukhat nih cun an ei an i chun tawn, cheukhat nih cun taksa a dawhter ti ruang men ah an din an i chun, Taksa caah Estrogen Homone hi ngandamnak caah tamtuk hmanpiak ahcun nauinn caah a tha lo, nauin bo a chuahter duh, homone sii eidin hi ralrin thiam ah a tha, ei lo le chunh lo hmanh a tha deuh ti nak a si.
- A biapibik cu nauinn bo kan timi pawl hi a tam deuh cu theih khawh a si lem lo, amah te’n a tlau kho than fawn, amah te’n a tlau mi a si ahcun zeihmanh a poi lo nain a cung i kan langhtermi bantuk in tuar ahcun Doctor sinah kal ding a si.
Nangmah ahkhan nuphung theihdan a dik lo ( thi tam deuh) thlakhat ah voihnihthum hna a ra ti bantuk, thla t’n rat dan a dik lo a si ahcun na umnak he a naihbik Doctor sinah kal ding, khua na tlai hlan ah.
Zeiruangah ti ahcun daithlang in na um ahcun fa ngei kho lo in maw, thi chuah tam ruangah thi tlawm zawtnak tbk zawtnak phunphun tuar khawh a si.
Cun naupawi lio ah nauinn con/bo kan timi a um a si ahcun thla tlinglo in nau ngeih a fawi. Nau thicia in hrin, nau rawh, a fawi. Nauinn bo kan timi hi nu kum rikhiah um loin ton khawhmi a si i, nuphung theihdan a dik lo ahcun doctor sinah kal colh ah a tha.
cakil, hihi cu Jeunesse Myanmar nih a tialmi kha aa tlak ning in lehmi asi.
