Lawngtlai ah thianhlimnak Hapta 2022 kharnak caan hman a si

2 Tho in 8 Tho 2022 tiang ” Hmunthur hlonh hlan ah zoh ta ” ti tlangtar in District ah ” thianhlimnak Hapta’ hman cu nithaizing ah khan Lawngtlai Bazar Veng Areopagy hmunah kharnak caan hman a si.

Swachh Bharat Mission (Urban), Urban Development & Poverty Alleviation (UD&PA) Department, Lawngtlai District thithruai Thiannak Hapta kharnak hmun ahhin Lai Autonomous District Council (LADC) ah Local Administration Department Executive Member Pu C. Rongura cu khuallian ah sawm a si. Thiannak Hapta cu kum ti’n hman a si nain duh bantukin theipar hmuhmi a tam lo, zapi lungthin thar pu in, thiannak lei ah karhlannak thar ngeih a biapi, Lawngtlai cu District hmunpi lawng siloin LADC hmunpi zong a si chih caah thianhhlimhnak ngeih hi ram le miphun caah thlalang bantuk a si. Khualak ah hmunthur hlonh sawh lo in hmunthur hlonh lai ah zoh ta ding hi a biapi tuk tiah a chim.

Thianhlimhnak Hapta kharnak hmun hi UD&PA, Lawngtlai District ah District Project Officer Pi TT Beikhaizi nih a hruai, Children Sanitation Club tangah hmalatha lawmman le waste to art lawmman pek an si, Lawngtlai ah cozah department kip nih hnawmbawm an thawhkhawmhmi cu pekchanh a si fawn. Deputy Commissioner office staff nih Right to Information kongkau le sarang hmantlawm kongkau muicawl ( street play) an langhter.

Hi hmun ahhin LADC Executive Secretary Pu H. Lalruatkima hlei ah, state le LADC official hna, VC member hna, Village Level Sanitation Committee member hna, Swachh Bharat Mission (Urban) Brand Ambassador le Local Ambassador hna, zaanghleicawi pawl aiawh hna, ANM School, Don Bosco School le Ngurnunsangi English School siangngakchia hna le siangcachim hna an i tel.

Hi hmun ahhin a tanglei langhtermi bantukin hmunthur bawm le lawmman pek a si.

A. Children Sanitation Club tangab hmalațha lawmman:

1. AOC Veng lei in Lalremsiama s/o F. Lallawmfamkima
2. Bethel Veng lei in Lalruatfeli d/o Lalfamkima
3. College Veng lei in Julie Lalremruati d/o FC Lalhriatpuia

B. Waste to Art i zuamnak lawmman:

1st Prize: ANM School Eco Club Team No. 4

2nd Prize: Observation Home, Lawngtlai

3rd Prize: ANM School Eco Club Team No. 3

C. Hmunthur bawm hmumi hna

1. Lawngtlai Vengpui
2. Council Veng
3. Bethel Veng
4. Chandmary
5. College Veng
6. AOC
7. Chawnhu
8. Central Young Lai Association