Chief Minister le Inspector General Assam Rifles (East) Tonnak Ngei
The Lairam Times, West Lairam, Lawngtlai, 06 Tho 2022 : Nihin 6 Tho ah Chief Minister Pu Zoramthanga cu a zung ah Major General Pu V K Nambiar, YSM, SM, Inspector General Assam Rifles (East) thar nih a zung ah tong in biaruahnak an ngei.
Hi biaruahnak ah Mizoram cozah le Assam Rifles tuankhatnak rak ngeih tawnmi chim in, tuankhatnak tha ngei khat kho peng dingin a chim. A hlei khun in phunglut lo in ramri ah thillak kuatnak kongkau ah hmalak herh ning an chim. IGAR (East) thar nih Mizoram zapi le Assam Rifles kar ah i pehtlaihnak tha a um peng nakhnga aa ruahchannak kong a chim. Zokhawsang Assam Rifles hmunpi hawnnak kongkau ah timhtuahnak ngeih lio mi cu Chief Minister he an i ruah.
IGAR (East) Maj. Gen. V K Nambiar hi Brig. Digvijay Singh, DIG Assam Rifles nih an tel pi.
Thawngdang,Central YLA President le General Secretary Nih Pu Vanlalvena, MP (Rajya Sabha) an ton
Nihin 6 Tho 2022 ah Central YLA President Pu HC Vanlalruatpuia le General Secretary Pu Joseph Lalhmingthanga Cinzah nih Member of Parliament (Rajya Sabha) Pu Vanlalvena cu a tlunnak inn ah tonnak an ngeih i, hmailei ah ram karhlannak kongkau an caih tiah theih a si.
Pu Vanlalvena, MP nih Central YLA hruaitu hna cu tha te’n a rak cohlan hna i, YLA Golden Jubilee 2024 tik ah thil pakhat khat tuah dingin bia a riah hna.
