Siaha DC Office Golden Jubilee ( 1972- 2022) Sunglawi Ngai In Lawmh A Si
Nihin chun suimilaam 11:00am ah Circuit House Complex ah Siaha DC Office kum 50 tlin lawmhnak(Golden Jubilee) programme sunglawi ngai in hman a si. Hi caan sunglawi ahhin Hon’ble Minister of State for Social Welfare, E&N Deptt etc Dr. K. Beichhua le 40-Palak A/C bialtu MLA Pu KT. Rokhaw hna cu khuallian le khual pical ti’n Golden Jubilee hi an hmanpi hna.
Rev. Pheitha Lava, Executive Secretary, ECM(H) nih caanzarh a hman i, Meisavaih East & West MTP Branch nih Jubilee hawnnak hla dawh an remg. Pu Lalsangliana, Deputy Commissioner nih Jubilee honnak cathluan a rel, Golden Jubilee hman khawhmi cungah lawmhnak bia a chim. Golden Jubilee hi tu le tu hman khawhmi a si lo, mi vantha hna covo a si. Cucaahcun Siaha District zapi zong nih nan kan teltum dirkamh caah lawmh a um tuk tiah a chim.
DC’s office, Siaha Golden Jubilee lawmhnak ah khuallian Dr. K. Beichhua nib Golden Jubilee plaque hawnnak le Jubilee Souvenir tlangzarhnak caan a hman hnu ah biachimnak a ngeih. Mizoram ah DC office a sem hmasa 3 kha kan cuanhthan a si ahcun miraang Missionary nih Mizoram ah hmun an khuarnak hmun ah a si. Presbyterian Khrihfabu dirhtu nih Aizawl ah, Baptist Khrihfabu dirhtu nih Lunglei ah, ECM dirhtu nih Saikao(Chhimtuipui) ah hmun an khuar. Cucaah DC office, Siaha nih kum 50 mui a hmub hi, cozah office pakhat kum 50 mui a hmuh a si lo, sullam ngei te’n ngeih a si. Pathian khuakhan ningin Siaha zapi caahcun a hlun ngai ko. Minister nih cun Aizawl le Lunglei DC office nih Golden Jubilee lawmh ding an theih lo lio caan ah, Siaha nih sunglawi ngai in Golden Jubilee kan hun lawmh khawh hi kan Zipeng Pu Lalsangliana le a staff hna rianțuannak thawng in a si. An cungah lawmh a um tuk tiah a chim.
Nihin ahhin Siaha khuapi chung ah DC office a um khawhnakhnga thazaang ngeihchiah pechantu kan mi hmasa le senior politician hna chungah lawmhbia ka chim, a hlei khun in inn le lo DC Office saknak ah hluntu meifar vangtu zapi cung zongah lawmhbia ka chim tiah a chim.
Khual pical Pu KT. Rokhaw nih Golden Jubilee lawmhnak ah khual pical in nan ka sawm caah kaa lawm, hi Jubilee hi a phut caah i remcang lo ngai in Aizawl in ka rak i thawh tiah a chim.
MTP(H), M.CH.P(H) le MSO(H) president hna nih cathluan chimnak caan an hman, Pu S.Hiato Ex-Minister zong nih biachimnak a ngeih. Siaha DC office aa thawk ning kong a chim. Pu H. Malvina, CEM, MADC zong nih biatawi chimnak a ngeih.
MTP Gen. Hqrs, Siaha nih Grand Cultural Dance hmuhsaknak caan an hman, YMA Chhimtuipui Group le YLA Sub-Hqrs nih miphun laam hmuhsaknak an ngeih. Hi Programme caan karlak ah hlasakthiam – Pu A. Chhualai, Pu John Beizachhi Phuto, Nl. Jesicca B. Khuhly, Nl Jesicca Ngôdy Hlychho, Pu Vanlalhlana nih hlasaknak in zapi an awih hna.
Khuallian Dr. K. Beichhua nih Golden Jubilee lawmhnak ahhin Siaha town chung ah VC area thianghlimbik lawmhman cotu hna sinah lawmhman peknak a ngeih.
1st—Siahatla VC-I nih citation le Rs.15,000/- an hmuh.
2nd—New Siaha East-I nih Citation+Rs.12,000/- an hmuh.
3rd—-New Colony VC-III nih Citation+Rs.10,000/- an hmuh.
Khual pical Pu KT. Rokhaw zong nih Siaha DC Office Golden Jubilee lawmhnak timhtuah Marathon Race sinah lawmhman a oek hna. Lawmhman latu hna sinah, conglamwmhnak minthut le tangka fang pek an si. Lawmhman dongtu hna cu
Pa category -ah
1st Prize – T. Malsawmkima, Thosai
2nd Prize – RL. Benjamin, Meisavaih West
3rd Prize – Z. Vabeiryuto, Siahatláh-I
Nu category – ah
1st Prize – C. Malsawmdawngkimi, Tipa
2nd Prize – ZR. Asopawkirili, New Colony-I
3rd Prize – Malsawmtluangi, College vaih
Pi Rochuangkimi Khenglawt, SDO (S) le Secretary, Golden Jubilee Celebration Organising Committee nih lawmhbia chimnak caan a hman.
Programme kharnak ah zapi nih sunglawi ngai in Awkhypa Lâ hmangin caan an khar. Programme dih hin Siaha DC kum 50 tlin lawmhnak caan cu sunglawi ngai in dihter a si.
