Lawngtlai District Thonginn Ah Kum 18 Tang Thongtla An Um Lo
The Lairam Times| West Lairam, Lawngtlai, 29 Zing 2022 : Lawngtlai District Jail Inspection team nih District Jail Lawngtlai an zohfel i, kum 18 tang an um lo tiah an chim.
Lawngtlai District Jail Inspection team in Principal Magistrate Pi Lalthansiami Hnamte telh in nihin ah District Jail Lawngtlai zohfel i, kum 18 tang an um lo tiah an chim.
District Jail Inspection Team nih District Jail an zohfelnak ahhin thongtla he i tonnak an ngei i, thongtla mi an ngandamnak zong a tha ko tiah an chim.
Pi Lalthansiami Hnamte nih thongtla kum 18 tang an um le um lo zohfelnak a ngeih, thongtla hna nih an herhhai zong phanhpi ding timhlamhnak an ngeihnak kong a chim.
Dr. David V. Khiangte, Member JJB zong nih, thonginn ah a ummi hna cu
hawi hlei in an sual ruangah a si lo, an tuahsual ruangah hi hmunhma ah um an sinak an lungthin sersiam a herhnak kong a chim.
Thongtla hna caah an herhhai hna lakah cauk le Volleyball an sinah phanhter dingin timhlamhnak an ngeihnak kong Inspection Team nih an chim.
Pi Lalthansiami Hnamte, Principal Magistrate hi Dr. David V Khiangte, Member, JJB hlei ah
K. Lalliantluanga Legal-cum-Probation Officer, DCPU Lawngtlai le B. Hromana, Social Worker, DCPU Lawngtlai nih an telpi, Pu Hratliana, District Jail Superintentent le Jail duty nih an rak don hna, Tulio ah District Jail Lawngtlai ah thongtla minung 52 an um.
