CEM Nih Khuabawi Tonpumhnak Hmanpi
The Lairam Times | West Lairam, Lawngtlai, 22 Zing 2022: Pu V. Zirsang Chief Executive Member, Lai Autonomous District Council nih nihin ah khan Lawngtlai Western Village Council Association Conference 2022 Bungtlang South Community Hall ah tuahmi ah khuallian in a hmanpi hna.
Pu V. Zirsang nih cun, Village Council hruaitu hna cu mah hmunram chungah cun biaceih bawi (Magistrate )an ngeihnak le, hi bantuk nawlngeihnak hi hmansual a um tawnnak kong a chim. VC hna nih NGO hna he khuatlang caah riantuan khat khawh hi a biapi tuk. VC hi kan ram le khuatlang nih a herh tukmi a si. Biaceihnak dik, fel le zumhtlak riantuan kho ding le dawtnak he hmaifong dingin VC hna cu a forhfial hna, khuatlang caah dikfel le zumhtlak in riantuan ding a nawl fawn hna.
Lawngtlai Western Area chung ah Lai, Pang, Chakma, Bawm, Bru, Mizo, Mara umnak a si. Pu C. Rongura LADC Executive Member, LADC nih ” VC hna cu riantuan tha, a chiahmi remhtu, zapi caah riantuan an si tiah a chim.
